Kryeministri Edi Rama ndodhet në Mynih të Gjermanisë për të marrë pjesë në Konferencën e Sigurisë. Rama ka nisur takimet e para dhe homologu i Kuvajtit, Sabah Al Khalid Al Sabah, është ndër liderët e parë me të cilët është takuar kryeministri shqiptar.
“Gjermani, Mynih – Takim me Kryeministrin e Kuvajtit, Sabah Al Khalid Al Sabah”, shkruan shkurtimisht Rama teksa publikon edhe video nga momenti i takimit.
Ndonëse nuk janë dhënë detaje, pritet që liderët të diskutojnë edhe mbi Konferencën e Donatorëve që do të organizohet për dëmet e shkaktuara në Shqipëri nga tërmeti i 26 nëntorit.
