Rama takon kryeministrin kanadez: Duam t’i forcojmë marrëdhëniet

113 563 lexime

124,178FansaPëlqeje

Kryeministri Edi Rama është takuar sot në Mynih me kryeministrin kanadez, Justin Trudeau.

Gjatë takimit Turdeau i ka shprehur Ramës ngushëllime për tragjedinë e 26 nëntorit, sakaq i ka bërë me dije se do të jetë i pranishëm në konferencën e donatorëve për tërmetin.

Nga ana tjetër Rama ndërsa e ka falënderuar për ndihmën e deritanishme ka deklaruar se kërkon ti forcojë marrëdhëniet mes dy vendeve.

Jam shumë mirënjohës dhe e vlerësoj shumë takimin me ju në çdo rast. Ju e dini që keni një ndikim shumë të madh te shumë nga homologët tua. Në të njëjtën kohë e dini që jeni edhe kryeministër i shumë shqiptarëve që jetojnë në Kanada, punojnë shumë dhe kontribuojnë për vendin tuaj, por gjithashtu marrin shumë njohuri dhe të mirat nga vendi juaj për familjen e tyre. Do të doja t’ju shprehja edhe mirënjohjen që treguat ndjeshmëri për ato që ndodhën kohët e fundit. Mirënjohës që do të jeni i pranishëm në konferencë. Duam ti forcojmë marrëdhëniet. E di që jemi larg por në një farë mënyre ndihemi shumë të afërt me vendin tuaj dhe të gjithë ju. Faleminderit për kohën dhe faleminderit që u ulët nga ana e flamurit shqiptar.”, tha ndër të tjera kryeministri Rama.

Dy kryeministrat janë takuar për Konferencën e sigurisë e cila po mbahet në Gjermani.

Kënaqësi e vërtetë të ulem sërish me mikun tim, Edi Rama nga Shqipëria. Më jep mundësinë së pari, të shpreh edhe një herë ngushëllimet e mia për tërmetin e tmerrshëm për të cilën folëm edhe në NATO. Kanadaja është angazhuar për të marrë pjesë edhe në Konferencën e Rindërtimit, në Shkurt. Kemi punuar shumë mirë bashkë në misionet e NATO-s. Shqiptarët po kryejnë shërbimin përkrah Kanadasë në Letoni për misioni ‘Enhances Forëard Presence’ dhe është kënaqësi të vazhdojmë të shkëmbejmë dhe të kemi një bashkëpunim kaq të mirë më ju ndërsa ecim përpara”, është shprehur gjatë takimit kryeministri kanadez Trudeau.


Të fundit

Dëmtimi i Pogba demoralizon Juven, Allegri: “Do ti duhen edhe 2-3 muaj që të jetë gati”

Ndalesë e re, edhe pse jo shumë shqetësuese për Paul Pogba, mungesa e madhe për Juventusin këtë sezon. Në...

Reagimi i Kate Middleton kur iu kërkua të bënte një “selfie” po bëhet viral

Të martën, Princesha e Uellsit, 41 vjeçe, udhëtoi në qytetin verior anglez të Leeds për të folur me vendasit për nismën e saj të...

Porti i ri Tregtar në Porto Romano, Balluku: Investim strategjik për Shqipërinë

Zëvendëskryeministrja Belinda Balluku zhvilloi një takim sot me përfaqësues nga një serë kompanish dhe institucionesh financiare ndërkombëtare, të interesuara për ndërtimin e portit tregtar...

COVID-19, MSH: 10 raste të reja me koronavirus, asnjë viktimë në 24 orët e fundit

Ministria e Shëndetësisë dhe Mbrojtjes Sociale i bën thirrje qytetarëve të mos neglizhojnë vaksinimin anticovid dhe vaksinimin kundër gripit, për të forcuar mbrojtjen ndaj...

Porti tregtar në Porto Romano, Rama: Projekt strategjik për vendin

“Një projekt strategjik për vendin por edhe rajonin e Europës juglindore” – kështu e konsideroi kreu i qeverisë Edi Rama, projektin për ndërtimin e...

Lajme të tjera

Web TV