Më shumë se përgjigje konkrete për çështje që shqetësojnë publikun, Edi Rama u përqëndrua dje në “Opinion” në sulmet dhe fyerjet ndaj gazetarëve. Debatet dhe përplasjet vazhduan gjatë gjithë emisionit, ndërkohë që kryeministrit nuk po i pritej të largohej sa më shpejtë nga studio.
Kjo u pa teksa Blendi Fevziu po njoftonte mbylljen e emisionit dhe Rama filloi të hiqte mikrofonin pa u fikur ende kamerat.
“Të iku, të ra në xhep ai mikrofoni. Vetëm mos na e merr atë po deshe”, iu drejtua Fevziu Ramës.
Emisioni i djeshëm u përqëndrua kryesisht te krimi i organizuar dhe aksioni “Anti KÇK” i nisur nga mazhoranca socialiste.
