Portieri i kombëtares shqiptare, Thomas Strakosha do vazhdojë të qëndrojë te skuadra e Lazios edhe për disa vite të tjera.
Strakosha ndodhet në superformë dhe po kalon një fazë shumë të suksesshme te klubi italian. Për këtë arsye duket se të kaltrit nuk duan që ta humbasin dhe kanë vendosur që t’i dyfishojnë rrogën në mënyrë që ai të mos largohet në drejtim të ndonjë skuadre tjetër.
Sipas “Tutosport” kontrata e Strakoshës përfundon në vitin 2022, ndërsa drejtori sportiv i klubit Igli Tare i ka ofruar rinovimin deri në vitin 2025 me rritje page.
Nëse do të nënshkruhet marrëveshja e re, shqiptari do të ketë pagë të dyfishuar, duke e çuar shifrën në 2 milionë euro në vit plus bonuset.
Megjithatë konkretizimi i marrëveshjes do të bëhet gjatë javës së ardhme, ku do të ketë një takim mes palëve për të nënshkruar kontratën e re./Fjala.al/