Media kryesore serbe Tanjug ka bërë me dije ditën e sotme qëndrimet e politikanëve të opozitës serbe në lidhje me dy marrëveshje mes Prishtinës dhe Beogradit. Ata pretendojnë se që ditën e premte kur janë bërë disa marrëveshje në dy qytetet e Gjermanisë është fajktuar tashmë se Vuçiç e ka njohur pavarësinë e Kosovës.
Politikani opozitar serb që drejton “Dverin”, Boshko Obradoviq, thotë se në Berlin të Gjermanisë ka muaj të tërë që kanë filluar negociatat ‘sekrete’ për të zgjidhur çështjen e Kosovës. Obradoviq thotë se këto negociata sekrete kanë filluar edhe përkundër qëndrimit të Beogradit se nuk do të negociojë me Prishtinën pa u hequr taksa 100 %, raporton “Tanjug”!
Përveç tjerash, Obradoviq ka thënë se Aleksander Vuçiç synon të njohë pavarësinë e Republikës së Kosovës, meqenëse kishte nënshkruar marrëveshjen e Brukselit. Obradoviq gjithashtu ka përmendur edhe marrëveshjet e nënshkruara së fundi në Berlin e Mynih mes Prishtinës dhe Beogradit për linjën ajrore, hekurudhat dhe autostradën. Lidhur me nënshkrimin e këtyre marrëveshjeve ka folur sot edhe politikania serbe, Rada Trajkoviq, sipas të cilës Serbia ka njohur pavarësinë e Kosovës kur ka nënshkruar të premten marrëveshjet. /Fjala.al/
