Trajneri i Partizanit Adolfo Sormani ka dal sot në konferencë për mediat, një ditë para takimit me skuadrën e Laçit për javën e 22-të të Kategorisë Superiore.
Ky takim është shumë i rëndësishëm për të dyja ekipet, pasi kanë një diferencë prej vetëm dy pikësh dhe rezultati do ndikonte direkt mbi ta.
Kryeqytetasit renditen momentalisht të tretët, ndërsa laçianët ndodhen në vend të katërt të Superligës.
Gjatë konferencës së sotme, Sormani është gjendur përballë fjalisë se portieri i Bylisit Isli Hidi shënon më shumë se lojtarët e “Demave” dhe ai e ka pranuar këtë gjë.
Gazetari: Portieri i Bylisit, Isli Hidi ka shënuar më shumë se sulmuesit e Partizanit…
Adolfo Sormani: (Qesh) është e vërtetë. Këtë po thoja. Unë mund të them që vazhdoj të punoj, çdo ditë punojmë për t’u përmirësuar akoma më shumë. Mjafton që të vini në seancat stërvitore dhe të shikoni. Iu siguroj që punohet shumë. Nëse dikush e sheh në aspektin negativ këtë situatë, do të ndryshoj mendim në kalimin e ditëve. Punojmë fortë që të arrijmë diçka të tillë./Fjala.al/
