Britania e Madhe është goditur nga stuhia Dennis e cila ka sjellë erëra të forta dhe reshje të mëdha shiu. Autoritetet kanë paralajmëruar rrezikshmëri të lartë për Uellsin, ku dhe ka filluar rrëshqitja e dheut.
Ndërkohë në Harfordshire janë përmbytur shtëpitë dhe sipas një banori stuhia ka goditur sikur të ishte tornado.
Si pasojë e erërave të fuqishme janë anuluar qindra fluturime, kurse përmbytjet kanë ndryshuar edhe trafikun hekurudhor, transmeton BBC. Sipas autoriteteve dy persona kanë humbur jetën në Britani të Madhe, kurse dhjetëra mijëra tjerë janë përballur me kaosin e stuhisë Dennis.
Një 18-vjeçar ka humbur jetën në det në rajonin e Kentit, kurse një tjetër ka rënë nga anija në afërsi të portit Margate. Afro 50 mijë pasagjerë janë duke pritur në aeroporte, pasi kompania Easy Jet ka anuluar 234 fluturime./Fjala.al
