Një ngjarje e veçantë ka ndodhur në klubin e Lazios, teksa janë përfshirë fuqishëm në garën për titull. Ky rezultat ka shtyrë një tifoz të italianëve që t’i propozojë martesë të dashurës duke rezervuar një ditë të shënuar në stadiumin Olimpico para ndeshjes së djeshme ndaj Interit.
Me ndihmën dhe mbështetjen e klubit lacial, tifozi kishte veshur me jelekë djemtë, të cilët u rreshtuan anës fushës dhe formuan pyetjen: “A do të martohesh me mua?”.
Ky propozim ishte surprizë për të dashurën e tifozit, e cila nuk mundi ta përmbante gëzimin.
“Po”, ishte përgjigja që dha vajza pas propozimit të veçantë para gjithë Olimpico-s. Ky kujtim u bë edhe më i bukur pas fitores së Lazios ndaj Interit./Fjala.al/
