Historiani Arben Lalla, u shpreh se Shqipëria ka qenë gjithmonë tolerante ndaj Greqisë.
Ai tregoi se në Athinë vetëm një ditë më parë është organizuar një paradë, ku janë bërë thirrje anti-shqiptare. Sipas Arben Llallës, Shqipëria ka ulur brekët përballë Greqisë, duke e toleruar në shumë çështje.
“Le të flasim për Kacifasin dhe provokimet. Çfarë ndodhi në Athinë kur institucionet greke organizuan paradën për 106 vjetorin për aneksimin e jugut të Shqipërisë.
Me britmat e tyre nën bekimin e priftit mallkuan shqiptarët. Unë kam shkruar një shkrim në 2018, ku kam thënë se Kacifas ishte një element i rrezikshëm.
Shteti shqiptar ka toleruar shumë, ose mund të them që i ka ulur b…t para Greqisë. U ka thënë urdhëroni hajdeni. Kemi zgjerimin e varrezave në Përmet, kemi pagëzimin e eshtrave të fëmijëve të Kosinës, që janë bërë “ushtarë grekë”.
Sa për atë që bëri vetëvrasje, unë e kam thënë dhe atëherë, qeveria greke heshti, fshatarët atje në Bularat heshtën. Unë kam qenë në Bularat, kam pirë kafe atje, aty ishte dhe shoferi i konsullatës greke të Gjirokastrës. Ai më tha se Kacifas ishte rrugaç”, tha Arben Llalla në një lidhje direkte për emisionin “360 Gradë”.
