Shpesh kemi dëgjuar se në Shqipëri nuk ka ligje, po e vërteta është se ligjet janë por nuk zbatohen. Ne kemi ligje të mira edhe për kërcënimet për shkak të detyrës.
Një deklaratë “kërcënuese” e anëtarit të Këshillit Kombëtar të Partisë Demokratike, Skerdjan Dhuli dhe një ndjekëses së tij është interesant.
Dhuli ka kujtuar kohën kur PD bënte protesta para Kuvendit një vite më parë. Në “Facebook” e tij, Dhuli ka bërë një kërcënim të hapur për ministrin e Brendshëm, Sandër Lleshaj.
“Ne nuk harrojme ! Sot nje vit nga gazi helmues i Sander Lleshit ndaj grave, femijeve, bijve e bijave shqiptare qe nuk i nenshtrohen autokrqcise Rama. A mendon do harrojme veprimet prej kamikazi gjakftohte te ketij ? Jo per perendi JO. Se sic e di edhe ti o Llesh, cfare nuk lahet sot, shkruhet ne defter. Dhe dita ku do lahen te gjitha, nuk do mungoje,” shkruan Dhuli.
Një nga ndjekëset e Dhulit që jeton në Itali i ka tërhequr vëmendjen politikanit se një deklaratë e tillë në Itali do të dënohej me burg.
“Ne Itali e tille ligjerate quhet kercenim dhe ne mos ne burg, gjobe te majme mer.
Kjo ne rast se i drejtohesh individit. Ne kete rast i je drejtuar ministrit te brendshem!
Te kalbin ne burg. Per ne Shqiperi se di si funksionon nese kercenon nje punonjes te shtetit,” shkruan komentuesja.
Dhuli i përgjigjet komentueses se është i gatshëm që të bej burg për gjera të tilla.
Por, kanosja për shkak të detyrës dënohet më burg si në Shqipëri, ashtu edhe në Itali.
Në Kodin Penal, në nenin 238, shkruhet se “Kanosja serioze për vrasje apo për plagosje të rëndë, që i bëhet punonjësit që kryen një detyrë shtetërore apo një shërbim publik, për shkak të veprimtarisë së tij shtetërore ose të shërbimit, përbën kundërvajtje penale dhe dënohet me gjobë ose me burgim gjer në dy vjet.”
Pra si në Shqipëri dhe në Itali, ligjet janë thuajse të njëjta, por frika dhe respektimi i tij janë me vite dritë larg.
