Lojtari i Kombëtares Shqiptare të Futbollit, Taulant Xhaka ka treguar se pse ka zgjedhur që të përfaqësojë ngjyrat kuqezi dhe për mënyrën sesi trajtohen futbollistët shqiptarë nga tifozët e tyre.
Në një intervistë për median gjermane “T-online.de”, mesfushori i Baselit ka thënë se ai nuk mund të priste më shumë kohë për t’u thirrur nga Zvicra.
Ke lindur në Zvicër, ti ndihesh rehat këtu, por zgjodhe të luash për Shqipërinë?
FSHF-ja u interesua shumë herët për mua dhe unë dëshiroja të provoja veten në niveli ndërkombëtar në një moshë të re. Nuk ka qenë vendim kundër Zvicrës. I jam mirënjohës këtij vendi që mirëpriti familjen time. Unë u linda dhe u rrita këtu. Por, doja të fitoja eksperiencë me ekipin kombëtar sa më shpejt të ishte e mundur dhe për fat të keq nuk qe Zvicra.
Ndërsa për tifozerinë shqiptare, Xhaka tha se as ushqimin e tij nuk e paguan në restorante, pasi tregohen bujarë dhe i trajtojnë shumë mirë futbollistët.
Çfarë reputacioni ke si futbollist i lindur në diasporën shqiptare në Shqipëri?
Në Shqipëri janë shumë të dhënë pas skuadrës kombëtare. Si ekip kombëtar, ata të kthejnë menjëherë në një hero folklorik. Për këtë arsye shkoj në restorante të ndryshme në Shqipëri dhe atje më paguajnë porositë. Reputacioni që atletët profesionistë shqiptarë, të cikët përfaqësojnë vendin tonë është i jashtëzakonshëm./Fjala.al/
