Skuadra e Partizanit vjen me një mungesë të ndjeshme në mbrojtjen në takimin me skuadrën e Bylisit që do të luhet ditën e shtunë në orën 17:00.
Të kuqtë fitona takimin me Laçin në transfertë me rezultatin 3-1 dhe do tentojnë të bëjnë të njëjtën gjë edhe në sfidën e radhës për të qëndruar pretendentë për titullin.
Barazimet e marra së fundmi nga Tirana dhe Kukësi duket se i favorizon shumë “Demat” e kryeqytetit, mirëpo në ndeshjen me Bylisin Partizani nuk do të ketë në dispozicion mbrojtësin titullar Eneo Bitri.
Bitri nuk mund të luaj të në këtë takim, pasi ditën e djeshme plotësoi numrin e kartonëve të verdhë, duke marrë katër të tillë.
Duke parë nivelin e Bylisit, kryeqytetasit do e kenë shumë të vështirë takimin me ta dhe duket se kjo mungesë e komplikon akoma më shumë. Megjithatë në vend të Bitrit pritet që të kuqtë të vendosin rumunin Dejan Boldor, i cili erdhi me bujë të madhe te ky klub, por performanca e tij ishte zhgënjyese./Fjala.al/
