Në katedralen “Nënë Tereza” në Prishtinë, presidenti Hashim Thaçi dhe kryeministri Albin Kurti kanë shtrënguar duart.
Në pritjen e organizuar nga presidenti në 12 vjetorin e pavarësisë të pranishëm ishin edhe udhëheqësit e rinj të institucioneve të cilët u përshëndetën nga Thaçi.
Me gjithë raportet e ftohta në mes tyre, në fund u pa se Thaçi shtrëngoi duart me Kurtin dhe bashkëshorten e tij si dhe kryeparlamentaren Vjosa Osmani.
Madje kjo e fundit, me marrjen e detyrës, i ndërroi vendin fotografisë së presidentit Thaçi, në zyrën e saj në Kuvend, një veprim që hapi jo pak debate.
