Një aksident me pasojë plagosjen e dy kalimtarëve ka ndodhur mbrëmjen e sotme në Yzberisht. Drejtuesi i mjetit ka humbur kontrollin duke përfunduar në trotuar dhe si rezultat ka goditur dy kalimtarë të rastit, një djalë dhe një vajzë, përkatësisht 29 dhe 25 vjeç. Këta të fundit ndodhen jashtë rrezikut për jetën, ndërsa në momentin e aksidentit 39-vjeçari ka braktisur makinën dhe është larguar me shpejtësi por më pas është arrestuar nga policia.
Njoftimi i policisë: Rreth orës 19:10, në ” Yzberisht” , në rrugën “Kadri Rroshi”, shtetasi SH.K, 39 vjeç, banues në Fushë Prezë, ka humbur kontrollin mbi drejtimin e mjetit dhe për pasojë mjeti ka dalë në tortuar ku dhe ka goditur dy kalimtarë të rastit, shtetasin M.B 29 vjeç dhe shtetasen F.C 25 vjeçe , të dy jashtë rrezikut për jetën.
Drejtuesi i mjetit pas aksidentit ka braktisur mjetit dhe është larguar por pas kontrolleve të ushtruara nga shërbimet e Policisë Rrugore dhe të Komisariatit të Policisë nr 6 është shoqëruar për veprime të mëtejshme në ambientet e Komisariatit.
Grupi hetimor dhe shërbimet e Policisë ndodhen në vendngjarje dhe vijon puna për zbardhjen e rrethanave të ngjarjes.
