Eno Bozdo, që është dhe anëtari i Kryesisë së PD-së,thotë se kryeministri Edi Rama ka vendosur ti shkojë deri në fund puçit kushtetues.
Ai shprehet se mazhoranca prej një viti në emër të reformës në drejtësi po përpiqet ta zhdukë politikisht presidentin e Republikës.
“Prej një viti mazhoranca në emër të reformës në drejtësi përpiqet ta zhdukë politikisht presidentin e Republikës.
Paralelisht është dhe një komision parlamentar për presidentin. E shikoj në vazhdën e aksioneve të mirëllogaritura të mazhorancës për të asgjësuar të vetmen pengesë institucionale që ka përballë që është presidenti.
Edi Rama ka vendosur ti shkojë deri në fund puçit institucional.
Presidenti Ilir Meta ka paralajmëruar se do të ketë një sërë dekretesh për shpartallimin e atij që e cilëson grusht shteti, ndërkohë që ka firmosur edhe kallëzimin shtesë ndaj Ardian Dvoranit duke e implikuar në grushtin e shtetit”, tha Bozdo në studion e Ora News.
