Tërmeti i fuqishëm që tronditi Turqinë rreth 1 orë më parë, edhe pse nuk shkaktoi dëme materiale, bëri që njerëzit të dilnin në rrugë.
Në videot e publikuara gjatë rënies së tërmetit shfaqen njerëzit, teksa derdhen në rrugë. Tërmeti i fortë prej 5.2 ballësh ka rikthyer makthin e tërmetit të muajit të kaluar ku humbën jetën 41 persona dhe shumë të tjerë u plagosën dhe humbën shtëpitë.
Lëkundjet e ditës së sotme sicc raportuan edhe autoritetet turke e kishin epiqendrën në rrethin Kirkağaç në Manisa të Turqisë, ndërsa u ndjenë edhe në Izmir, Bursa dhe Stamboll.
Sipas informacioneve nga autoritetet përkatëse tërmeti ndodhi në orën 19.09 (sipas kohës lokale), ndërsa nuk u raportuan dëme të mundshme materiale e as për ndonjë të lënduar.
Turqia u godit muajin e kaluar nga një tërmet i fuqishëm që shkaktoi 41 viktima.
Trupat e dy viktimave të ‘zhdukur’ nga tërmeti të cilët u gjendën nën rrënojat e një ndërtese të shembur, e çuan në 41 numrin e viktimave në Turqi.
Nga tërmeti me magnitudë 6.8 u plagosën gjithashtu më shumë se 16000 persona të tjerë. Së paku 45 vetë janë shpëtuar nga rrënojat, të gjallë, raportojnë mediat turke dhe ata ndërkombëtare.
Ekipet e shpëtimit kanë bërë një punë të lavdërueshme në drejtim të shpëtimit të sa më shumë jetëve.
Tërmeti goditi qytetin e Elazgi, i cili ndodhet 565 kilometra (350 milje) në lindje të Ankarasë. Autoritetet paralajmëruan njerëzit të mos ktheheshin në shtëpitë që mund të ishin të pasigurta. /Fjala.al/
