Ekspertët e ekonomisë dhe financave shprehën mendimin se Shqipëria nuk i ka kapacitetet për të thithur të gjithë donacionet dhe grantet e Konferencës së Donatorëve.
Eksperti i ekonomisë, Zef Preçi e quajti “pozitive” mbështetjen, por tha se nuk ka vend për entuziazëm.
“Askush nuk mund të thotë sot se sa janë grante e sa kredi. Një pjesë e mirë e kredive do të zhvillohet nëpërmjet agjencive zhvilluese. Vëmendja ndaj palës shqiptare do të jetë shumë e madhe. Mbështetja është pozitive, por nuk ka vend për entuziazëm. Struktura shqiptare nuk ka kapacitete për të absorbuar këto para”, tha Zef Preçi.
Ndërkohë, Pano Sako tha se nëse do të arrihet të përthithet vetëm gjysma e granteve të premtuara, për Shqipërinë do të ishte arritje.
“Hallkat nëpërmjet të cilat do të duhet të kalojë projekti dhe më pas të alokohet fondi, janë disa kushte që duhen plotësuar. Vetëm ndërtimi i këtij mekanizmi do një periudhë që do hajë shumë kohë. Nëse do arrijmë të përthithim vetëm gjysmën e granteve, unë do jem shumë i kënaqur”, tha Pano Sako .ë studion emisionin “Arena”.
