Tatimet vijojnë punën me “goditje të përqëndruar” në luftën kur informalitetit. 946 kontrolle ose rreth 79 biznese kanë pritur në njësitë e tyre grupet e kontrollit në një hark kohor prej 12 ditësh. Drejtoria e Përgjithshme e Tatimeve ka ushtruar rreth 946 kontrolle gjatë periudhës 31 janar-12 shkurt 2020.
Nga kontrollet e ushtruara janë konstatuar 251 shkelje të legjislacionit tatimor, nga të cilat: 13 subjekte të paregjistruara; 30 tatimpagues të penalizuar për shkeljen e mos lëshimit të kuponit tatimor (rasti i parë), ndërsa 5 tatimpaguesve u janë bllokuar ambientet për 30 ditë kalendarike për moslëshim kuponi tatimor (hera e dytë); 36 tatimpagues me punonjës të padeklaruar, nga të cilët 24 subjekte “biznes i vogël” dhe 12 subjekte “biznes i madh”; 6 tatimpagues janë konstatuar se nuk kanë pasur të instaluar pajisjet fiskale dhe 1 tjerë nuk i mbanin pajisjet fiskale në gjendje pune; 54 tatimpagues janë konstatuar se dispononin mallra pa dokumentacion tatimor.
