Vetëm pak ditë më parë kishte qenë në Shqipëri. I kishte dhënë lamtumirën nënës së tij dhe më pas ishte kthyer për në vendbanimin e tij, në Amerikë. Por dita e hënë për të ka qenë edhe fatalitet. Djali nga Dibra, humb jetën me motorin e tij teksa përplaset me një makinë grumbullimi plehrash.
Një ngjarje e rëndë ka ndodhur në Nju Xhersi të Shteteve të Bashkuara të Amerikës, ku një 52-vjeçar shqiptar ka humbur jetën si pasojë e një aksidenti rrugor. Ngjarja sipas të dhënave ka ndodhur dy ditë më parë. Viktima u identifikua si Nuri Kaloshi, i cili ishte duke drejtuar motorin e tij Kaëasaki në Rrugën Franklin, duke kaluar në Rrugën 17, kur një kamion plehrash e goditi atë për vdekje.
Lajmin e kanë konfirmuar dhe autoritetet e Qarkut të Bergen në SHBA, të cilat bëjnë me dije se Nuri Kaloshi u dërgua në Qendrën Mjekësore Universitare Hackensack, por kishte humbur jetën rrugës dhe aty vetëm sa u deklarua i vdekur.
Vdekja e Nuri Kaloshit, nga Dibra, i ka shokuar të gjithë të afërmit e kësaj familje dhe miqtë e tij, pasi vetëm dy javë më parë ai ishte në Shqipëri, ku ka përcjell për në banesën e fundit nënën e tij. Nuri Kaloshi ishte i apasionuar pas motorëve të shpejtë, dhe këtë e tregojnë dhe fotot e shumta të tij.
Shoferi i kamionit që shkaktoi aksidentin, 51-vjeçari Jonathan Lacher ka bashkëpunuar me Policinë dhe ka qëndruar në vendin e ngjarjes, ndërsa duhet të përballet me Gjykatën për “drejtim mjeti në mënyrë të pakujdesshme” dhe “mosrespektim i sinjalistikës rrugore”.
Ka qenë dhe vetë djali i Nuri Kaloshit i cili ka bërë një postim prekës në rrjetet sociale, ku lutet që i ati të prehet në paqe, së bashku me gjyshen e tij. n.k/Fjala.al/
