Presidenti i Turqisë, Rexhep Tayyip Erdogan, ka uruar Albin Kurtin për postin e kryeministrit të Kosovës.
Erdogan, në mesazhin e urimit, ka shprehur bindjen se bashkëpunimi mes dy vendeve do të thellohet dhe se Turqia do të vazhdojë të mbështesë popullin e Kosovës.
“Në emrin tim personal dhe në emër të popullit tim shprehi urimet e mia më të thella me rastin e krijimit të Qeverisë pas zgjedhjeve parlamentare të mbajtura më 6 tetor 2019 në Kosovë.
Kam besim të plotë se me përvojën dhe përpjekjet tuaja të vlefshme në periudhën e ardhshme do të zhvillojmë më tej bashkëpunimin midis vendeve tona. Turqia, do të vazhdojë të mbështesë popullin e Kosovës në të gjitha fushat.
Duke shfrytëzuar këtë rast, përsëris urimet e mia më të mira për shëndetin dhe lumturinë tuaj, dhe për mirëqenien dhe prosperitetin e popullit mik dhe vëlla të Kosovës”, thuhet në urimin e presidentit Erdogan.
