Prokuroria italiane ka nisur hetimet ndaj një mjeku të urgjencës së spitalit Belcolle në Itali, në lidhje me vdekjen e mistershme të 17-vjeçares shqiptare Aurora Grazini. Mjeku po hetohet nën akuzën e vrasjes, siç bëjnë me dije mediet italiane. Adoleshentja shqiptare humbi jetën të shtunën, fill pasi kishte dalë nga spitali i Belcolles në Viterbo.
E reja ishte vizituar pasi kishte paraqitur shenja të gjendjes së ankthit dhe panikut. Në vizitën e saj mjeku i kishte këshilluar vajzës që të këshillohej me një psikolog, por një ditë më vonë, Aurora u gjet e vdekur në banesë nga prindërit e saj.
Autoritetet po presin rezultatet e autopsisë mbi trupin e adoleshentes dhe deri më tani është hedhur poshtë teza e një vetëvrasje, pasi jo pak kohë më parë ishte ndarë nga i dashuri.
Dëshmitë e familjes dhe të të afërmve të saj tregojnë nuk kishte patur asnjëherë probleme me ankthin. Familja ka dëshmuar disa herë pasi prokuroria është e bindur se ata kanë dijeni mbi gjendjen e saj pasi ka dalë nga spitali.
