Historia e pabesueshme e diversantit/ Apostol Goci tregon angazhimin e amerikanëve dhe shpërblimin që i dhanë

113 563 lexime

124,178FansaPëlqeje

Biznesmeni Apostol Goci ishte sot i ftuar në emisionin “Ftesë në 5” në Top Channel ku ka rrëfyer historinë e veçantë të Muhamet Hoxhës, diversanti që hyri më 3 korrik të 1951 në Shqipëri, së bashku me 200 ushtarë të tjerë, për të rrëzuar regjimin e Enver Hoxhës.

Goci tregoi se me Hoxhën ishte njohur në moshë shumë të re, kur ishte vetëm 20 vjeç dhe punonte në ndërmarrjen e bonifikimit në Gjirokastër. I sapo liruar nga burgu, Muhamet Hoxha, edhe ai nga Gjirokastra, nuk kishte hyrë në asnjë prej dhomave të punëtorëve pasi kishte qenë i dënuar. Goci tregon se mori diversantin në dhomë dhe që prej asaj dite u krijua një raport i veçantë miqësie midis të dyve.

Unë e pyeta, tregon Apostol Goci, nuk ke frikë se mos të spiunoj? Jo, mu përgjigj, ti ke bërë një veprim që nuk e kam parë as jashtë vendit.

Muhamet Hoxha u largua si Zogist nga Shqipëria dhe qëndroi pë një kohë në Gjermani. Pasi u mor nga ushtria e Bashkimit Sovjetik, u dërgua në Stalingrad (Shën Peterburg) për të punuar. Por duke qenë se nuk punonte dot në rindërtimin e qytetit, Hoxha u arratis për t’u vendosur në Bari të Italisë.

Në qytetin Italian, përtej brigjeve të Adriatikut, Muhamet Hoxha dhe grupi që mbështeste Mbretin Zog organizohen për të rrëzuar regjimin e diktatorit Hoxha. Ata u trajnuan nga agjensitë e specializuara amerikane, të cilat i nisën më pas drejt Shqipërisë.

Më 3 korrik të 1951, Muhamet Hoxha hidhet në Delvinë, por aty identifikohet nga forcat e sigurimit, të cilat e arrestojnë. Gjyqi iu bë në kinemanë 17 nëntori në kryeqytet, ndërkohë që Goci tregoi në emisionin se çfarë kishte deklaruar Hoxha për këtë moment.

Lexo edhe :  Berisha mbledh këshillin kombëtar të PD: Më 11 maj kemi kandidaturat më të mira

“Unë erdha që t’i jap demokracinë këtij populli, populli bërtet jashtë “në litar, në litar”, – rrëfen Goci fjalët e diversantit.

Muhamet Hoxha u dënua fillimisht me pushkatim, por pas reagimit të ashpër të organizatave ndërkombëtare për të drejtat e njeriut, dënimi i ndërrohet në 25 vite burg.

Apostol Goci tregon se Hoxha u dërgua në burgun e Burrelit dhe qëndroi aty për 10 vite ku u njoh edhe me Pjetër Arbnorin, që pas rrëzimit të komunizmit do të bëhej kryetar i Kuvendit.

Historia e Muhamet Hoxhës është rrëfyer edhe në librin “Unë, agjenti i CIA-s”, i shkruar nga Pirro Loli.

Por në emision ai tregoi edhe për jetën e diversantit në vitet e tranzicionit dhe angazhimin që shfaqi për të Ambasada e SHBA-së në Tiranë.

Pasi u prezantua me zyrtarë të ambasadës, tregon Goci, Muhamet Hoxhës iu dha një shpërblim prej 50 mijë dollarësh, që në vitet 1990 ishte një shumë e konsiderueshme.

Diversanti ndërroi jetë në shtëpinë e mikut të tij në korrik të 1994-ës.

Historia e pabesueshme dhe shumë interesante e Muhamet Hoxhës mund të lexohet e plotë në librin “Unë, agjenti i CIA-s”, i shkruar nga Pirro Loli..

Të fundit

Nesër Dita e Verës, Rama: Hapet Tuneli i Murrizit, sa të jem unë s’do ketë pagesë

Sikundër e ka kthyer tashmë në ‘traditë’, kryeministri Edi Rama vijon komunikimin me ndjekësit e tij në rrjetet sociale, duke...

‘Jam zgjuar i mërzitur se më vjen keq për Gjuzin dhe…’/ Rama ironizon listat e PD-së

Një ditë pas zyrtarizimit të listave për kandidatë për deputet për zgjedhjet e 11 majit, kryeministri Rama ka ironizuar opozitën, duke thënë se sot...

Tuneli i Murrizit hapet me 14 Mars/ Rama: Më në fund plasi syri i keq

“Ky është tuneli i shumëpritur i Murrizit, i cili më në fund u dorëzua mali dhe tuneli do të dorëzohet nesër për të gjithë...

‘Bufi ushqehet me minj!’/ Rama e la jashtë listës së sigurtë, reagon Pandeli Majko

Një nga figurat më të spikatura të PS, Pandeli Majko, ka zyrtarizuar kandidimin e tij për një tjetër mandat në Kuvendin e Shqipërisë. Deputeti socialist,...

Emrat për 11 Majin dolën, nis “lufta” PS – PD sot në Kuvend

Pak orë pasi depozituan në Komisionin Qendror të Zgjedhjeve emrat e të gjithë kandidatëve që do të marrin pjesë në zgjedhjet parlamentare të 11...

Lajme të tjera

Web TV