Në Konferencën e Donatorëve në Bruksel u bë me dije se një pjesë e konsiderueshme e fondit prej 5 miliard euro të amerikanëve do të shkojnë për transparencën e fondeve të tjera të dhuruara për Shqipërinë.
Por ambasadorja amerikane në Tiranë, Yuri Kim, bën sot me dije se ky fond, i rritur dje, do të synojë ngritjen e Akademisë Shqiptaro-Amerikane të Transparencës, e cila do të ketë në fokus jo vetëm transparencën me fondet e tërmetit, por edhe sektorë të tjerë.
“Transparenca dhe përgjegjësia janë thelbësore. Kjo është arsyeja pse donacioni amerikan do të krijojë një Akademi të re të Transparencës Shqiptaro-Amerikane për të mbështetur qeverisjen transparente, qeverisjen e përgjegjshme ndaj qytetarëve, trajnimet kundër korrupsionit dhe reformën gjyqësore”, shprehet ambasadorja Kim.
