Laert Vasili u shpreh se me Konferencën e Donatorëve, Brukseli i dha “votëbesim” Edi Ramës. Sipas tij, suksesi i konferencës është sukses personal i Edi Ramës.
“Ndërkombëtarët me shumë maturi, se më mirë se Brukseli nuk e di më mirë se çfarë ndodh në Europën Juglindore, ata i kanë dhënë besimin Ramës.
Brukseli është i dashuruar me Ramën. Për mendimin tim është një fitore personale, pasi ai njeri bëri gjithë turin për të mbledhur ato 97 vende.
Nëse kjo nuk është një fitore personale. Për mendimin tim Brukseli i ka dhënë mandatin e tretë. Votëbesimin ia ka dhënë Brukseli”, tha Laert Vasili në emisionin “360 Gradë”, ku ishte shtruar për debat tema: “Ndihmat 1 miliard! Mandati i tretë për Ramën?”
