Avokat Spartak Ngjela duke analizuar konfliktin midis Presidentit Ilir Meta dhe mazhorancës qeverisëse theksoi se paralajmërimet e kreut të shtetit për të dalë në shesh së bashku me shqiptarët do të jetë një gabim fatal për vetë fatin personal dhe politik të Ilir Metës.
Sipas Ngjelës nëse Meta do të drejtojë protestën më 2 mars për të marrë institucionet siç ka deklaruar atëherë ai rrezikon të arrestohet dhe dënohet me burgim të përjetshëm.
Ngjela shtoi se gjithçka që ka prodhuar deri më tani Ilir Meta dhe akuzat që ka lëshuar lidhen me sindromën e tij të frikës pasi ndodhet nën akuzë kur ndaj tij ka nisur një proces nga ana e komisionit të hetimor parlamentar.
“Ai duhet të durojë dhe të shkojë nëpër procese. Po hetohet në këto momente nga komisioni hetimor parlamentar.
Ore le ta bëjë atë që thotë, të dalë në shesh se shpëtojmë një herë e mirë. Të dalë në shesh dhe të marrë institucionet. Unë them është krim, bëni si të doni. Qytetarët dalin sa herë të duan, po del presidenti.
Kryetari që drejton prishjen e rendit juridik ose kushtetues dënohet me burgim të përjetshëm.
Nuk mund të dëgjojmë budallallëqet e një budallai. Ai është nën akuzë. Ka shkelur shumë rëndë Kushtetutën.
Është shumë e vështirë që ta përballojë intelekti tij qenien nën akuzë dhe ka humbur ekuilibrin.
Këto që flet ai se do të ndryshojë rendin kushtetues në sheshin Skënderbej, me një fletë, nuk janë gjëra normale.
Do të shkojë një analize psikiatrike kur të akuzohet. Kur të arrestohet në flagrancë mund të marrë pafajësi si deviacion të sistemit nervor.
Fakti që Rama është me kartelë nuk do të thotë se Meta nuk ka kartelë. Meta ka deviacion psikik në këto momente, u shpreh Ngjela për emisionin Open në Top Channel.
