Gramoz Murataj është personi i arrestuar nga policia në Tiranë për çështjet e lojërave të fatit. Ai mësohet se përdorte tri biznese vetëm për këtë aktivitet ndërkohë nuk dihet se përse është verifikuar kaq vonë ndërsa kishte ushtruar këtë biznes para se policia të niste operacionin para dy vitesh.
Ndonëse policia ende nuk ka dalë me një reagim zyrtar në lidhje me arrestimet e bëra, mësohet se përveç Muratajt është arrestuar edhe Elvis Mulaj. Ky i fundit ushtronte aktivitet në qytetin Studenti dhe mësohet se është vëllai i Kryetares së Kolegjit të Posaçëm të Apelimit. Familja Mulaj u bënë të njohur pasi vëllait të tyre po në këtë qytet, iu vu tritol në banesë.
Policia e Shtetit mësohet se ka shoqëruar mbi 200 persona në të gjithë vendin në një operacion që ka zgjatur më shumë se 10 orë. Ata kanë sekuestruar një sërë materialesh komprometuese ndërkohë që në Tiranë Muratajt dhe Mulajt iu sekuestruan edhe disa mjete që përdoreshin enkas për të kryer këtë aktivitet.
Gramoz Murataj është një emër i njohur i botës së krimit sipas policisë. Ai rezulton i dënuar në Itali për trafik droge ndërkohë që në vendin tonë ushtronte aktivitet biznesi prej shumë vitesh. n.k/Fjala.al/
