E pazakontë. Një toger rus ka vendosur 16 tanke në formën e zemrës, vetëm që ai të futet në mesin e tyre dhe t’i propozojë të dashurës së tij.
Komandanti i togës, Denis Kazantsev, ndaloi trajnimet ushtarake gjatë Ditës së Shën Valentinit dhe porositi tanke të llojit ‘T-72B2’, për ta realizuar figurën romantike. Ngjarja ka ndodhur në Moskë, pikërisht në zonën ushtarake Alaybino, raporton Daily Mail.
Në video, tanket shihen duke u zhvendosur në pozicion para se pamjet ajrore t’i shfaqin ato në formën e një zemre.
“E shtyva propozimin për rreth një muaj për të organizuar të gjithë këtë, kështu që do të ishte e paharrueshme, një herë në jetë”, deklaroi togeri rus.
“Nuk ishte e lehtë, por me kalimin e kohës komandantët e mi ranë dakord të më lejojnë ta bëj këtë”.
