Vdekja e 5 personave në Iran dhe infektimi i 18 të tjerëve ka ngritur shqetësim të madh jo vetëm te autoritetet vendase, por edhe te Organizata Botërore e Shëndetësisë. Raste të infektimit janë identifikuar së fundmi edhe në Liban e Izrael.
Por ajo që është më shqetësuese është fakti se në Iran dhe në Liban nuk është gjetur asnjë lidhje midis të infektuarve dhe Kinës, çka e bën të paqartë se nga e kanë marrë virusin.
“Edhe pse numri total i vdekjeve nga coronavirusi jashtë Kinës mbetet i vogël, ne jemi të shqetësuar për numrin e rasteve ku nuk ka një lidhje të qartë epidemiologjike, siç është udhëtimi në Kinë apo kontakti me një rast të konfirmuar”, thuhet në reagimin e Organizatës Botërore të Shëndetësisë.
Italia është vendosur sot në alarm pas identifikimit të 16 rasteve në një ditë të infektimit me coronavirus. 14 raste u identifikuan në rajonin e Lombardisë dhe dy të tjera në rajonin e Venetos.
Tronditet Kina/ Coronavirusi nuk zhduket, rikthehet pas trajtimit
