Një ngjarje e rëndë ka ndodhur në burgun ‘313’. Një 43-vjeçar i ka dhënë fund jetës, duke u vetëvarur në ambientet e qelisë së tij. Sipas të dhënave të para bëhet me dije se personi që i ka dhënë fund jetës quhet Bilbil Hasani dhe ka qenë i dënuar për vjedhje.
Burimet policore tregojnë se Hasani ishte nga Kukësi dhe ishte banor në Kamzë. Burimet saktësojnë se Hasani ka shfaqur probleme me depresionin prej disa kohësh pasi nuk e përballonte dot jetën e burgut.
Ai ishte i arrestuar në vitin 2019, ndërkohë që mësohet se ka qenë i denoncuar edhe më herët për të njëjtën vepër penale. Prokuroria ka nisur hetimet ndërkohë që janë sekuestruar regjistrat e burgut 313 për të mësuar më shumë në lidhje me përditshmërinë e të burgosurit që i dha fund jetës. n.k/Fjala.al/
