Duke iu referuar lajmit që e rikthen edhe njëherë vendin tonë në listën gri të pastrimit të parave që u bë publik sot, presidenti Ilir Meta ka reaguar sërish me një mesazh thirrje.
Ai kërkon që të gjithë të dalin në shesh me 2 mars pasi atë tashmë nuk e habit asgjë që lidhet me hapat pas që bën Shqipëria.
Ditën e djeshme është botuar një raport për pastrimin e parave ku, në fakt, thuhet se vendi jonë kthehet në listën e vendeve problematike, listë nga e cila kishte dalë në vitin 2015! Meta ka lënë një mesazh në llogarinë e tij në Facebook ku thotë:
“Të dashur qytetarë!
Asnjë habi për hapat pas që Shqipëria ka bërë edhe në këtë drejtim. Ndaj në 2 mars të gjithë në Bulevardin “Dëshmorët e Kombit” në mbrojtje të Kushtetutës dhe integritetit të Gjykatës Kushtetuese, për të rivendosur sistemin e llogaridhënies publike në çdo nivel vendor dhe qendror, në të gjithë vendin.
Shqipëria nuk do të jetë më lavatriçe e pastrimit të parave të organizatës ndërkombëtare.
Bashkë për Kushtetutën!
Bashkë për Shqipërinë!”
