Presidenti i vendit Hashim Thaçi, ka dënuar sulmin me vezë ndaj zëvendëskryeministrit, Avdullah Hoti. Përmes një statusi në Facebook, Thaçi e ka quajtur sulmin një veprim të papranueshëm.
“Sulmi me vezë ndaj Zëvendëskryeministrit të Kosovës, Avdullah Hoti, është i papranueshëm dhe i dënueshëm në demokracinë dhe shtetin që kemi ndërtuar. Tendenca për ta arsyetuar dhunën si mjet për arritjen e qëllimeve politike ka qenë dhe do të mbetet përherë e papranueshme dhe e dënueshme”, ka shkruar Thaçi.
Ndërkaq, sulmi ndaj Hotit erdhi pas deklarimeve të fundit të kryetarit të LDK-së Isa Mustafa se “Kosova duhet të heq tarifën, në mirëbesim me SHBA-në dhe BE-në”.
