Njën ngjarje e pazakontë ka ndodhur afër godinës së Qeverisë së Kosovës, ku zëvendëskryeministri, Avdullah Hoti, është qëlluar me vezë.
Në videon e publikuar në rrjetet sociale shihet se si Hoti është sulmuar me vezë nga persona të panjohur, derisa ishte duke ecur në rrugën prapa ndërtesë së Qeverisë së Kosovës, i shoqëruar nga tre persona të tjerë.
“Taksën s’ban me hjek. Taksën s’ban me hjekë”, dëgjohet të thotë personi, që mendohet se ka hedhur vezët në drejtim të Hotit.
Kjo ngjarje besohet se vjen si pasojë e paralajmërimit të Qeverisë Kurti për heqjen e taksës ndaj mallrave serbe dhe zëvendësimin e saj ,e reciprocitet ndaj Serbisë, e cila kundërshtohet nga AAK. Kjo e fundit ka nisur edhe mbledhjen e nënshkrimeve për një seancë të jashtëzakonshme të Kuvendit.
