Një nga protestuesit e sotëm, që morën pjesë në tubimin paqësor në qendër të Ballshit në mbështetje të naftëtarëve në grevë, ka ndërruar jetë.
Bëhet e ditur se shkak për ndarjen nga jeta të Artan Voshtinës ka qenë një atak në zemër.
Lidhur me këtë ngjarje ka pasur edhe një reagim nga ish-deputeti i PD-së, Luan Baçi. Ai shkruan se vdekja e punëtorit ka ardhur si pasojë e keqtrajtimit, nga mërzitja, stresi që puna e tij nuk është shpërblyer dhe bën fajtor kryesor qeverinë.
“Sapo mësova, për një lajm të trishtë. Ndahet nga jeta, një nga protestuesit e rafinerisë, naftëtari Artan Voshtina, banues në Fier.
Artani la pas bashkëshorten dhe dy fëmijët e tij i la në një kohë, që ata kanë shumë nevojë për Artanin. Sot, pasi u kthye nga protesta, i trishtuar, i mërzitur i stresuar, zemra e tij nuk duroi më. Teknolog specialistë prej shume vitesh, në uzinë, i pa paguar dhe i keq trajtuar si shume kolegë të tij të punës. I përkushtuar për punën , shoqërinë dhe familjen e tij.
Ky shtet, kjo qeveri e korruptuar, këta bandite dhe hajdut, kontribuuan, shume fortë, për fatin e tij të trishtë. Ngushëllime të sinqerta dhe të ndjera familjes. Ngushëllime , edhe ju kolegë, të punës, të Artanit protestues dhe grevistë të urisë. Mos e harroni Artan Voshtinen, protestoni edhe për Artanin, protestoni pa u ndaluar për familjen dhe fëmijët e tij. Ata kanë shume nevojë sot, për ndihmën e të gjithëve“, shkruan Baçi.
