Giuseppe Conte, kryeministër i Italisë, ka refuzuar zërat në opozitë që bëjnë thirrje për anulim të lëvizjes së lirë me Evropën, si një masa parandaluese e përhapjes së mëtejshme të coronavirusit. Italia është kthyer në qendrën kryesore në Evropë të coronavirusit, me 100 persona të infektuar dhe dy të vdekur.
“Bllokimi i pikave kufitare dhe lëvizjes së lirë të njerëzve do të ishin masa të pamjaftueshme dhe plotësisht joefektive, të cilat do të kishin një ndikim shkatërrues mbi ekonominë tonë”, u shpreh kryeministri Conte.
Ndërkohë, ai prezantoi një plan emergjent me 7 pika në zonat e infektuara nga virusi vdekjeprurës, kryesisht në rajonet e Lombardisë dhe Venetos.
Masat
– ndalimi i largimit të personave nga zonat e komunat e infektuara.
– ndalimi i manifestimeve, eventeve e grumbullime publike dhe private.
– ndalimi i shërbimit parashkollor.
– mbyllja e shkollave dhe e eksursioneve shkollore.
– pezullimi i hapjes së muzeve për publikun.
-pezullimi i punës për disa lloje biznesi.
-mbyllja e disa aktiviteteve tregtare.
‘Shpërthimi’ i coronavirusit në Itali erdhi nga qyteti i vogël i Codogno-s, në juglindje të Milanos, ku i identifikua pacienti i parë, një 38 vjeçar i cili ndodhet tashmë në gjendje të qëndrueshme.
“Të gjithë ata janë infektuar kanë patur përgjatë dative 18-19 kontakte me dhomën e emergjencave dhe spitalin në Codogno”, ka deklaruar Giulio Gallera, drejtues i drejtorisë rajonale të shëndetit.
Të paktën 50 mijë banorëve të Codogno dhe 9 qytezave përreth u është kërkuar që të qëndrojnë në shtëpi dhe të shmangin lëvizjet
