Në të gjithë botën Coronavirusi është kthyer në një panik pë mbarë njerëzit të cilët janë frikësuar. Java e modës në Itali ka vendosur të mbyll dyert për të ftuarit. Shkak për këtë vendim të tij është bërë përhapja e Coronavirusit në Itali. E diela e sotme është dita e fundit e Javës së Modës në Milano, Giorgio Armani ka anuluar sfilatën e koleksionit vjeshtë – dimër 2020 ai është bërë stilisti i parë italian që merr këtë vendim.
Marka ka njoftuar publikun se koleksioni do të prezantohet “me dyer të mbyllura” në një pasarelë të boshatisur dhe të gjithë mund ta ndjekin ‘live stream’ në faqen zyrtare të Armanit ose në kanalet e rrjeteve sociale të këtij brendi.
“Ky vendim është marrë për sigurinë dhe mirëqenien e të ftuarve, duke mos u kërkuar të jenë të pranishëm në vende shumë të populluara”, është shprehur një përfaqësues i markës së famshme.
