Ish-kryeministri Ramush Haradinaj vazhdon të këmbëngulë se Kosova duhet ta heqë taksën 100% ndaj produkteve serbeve vetëm pasi Beogradi të pranojë pavarësinë. Pavarësisht kërkesës dhe presionit të vazhdueshëm nga SHBA-të dhe partnerët evropianë që kërkojnë heqjen e taksës dhe rifillimin e dialogut, Haradinaj thekson se nuk ka asnjë garanci se ky veprim do të sjellë edhe njohjen e Republikës së Kosovës nga Serbia.
“Kosova nuk ka asnjë garancë se heqja e taksës 100% për produktet e Serbisë e sjellë Marrëveshjen Finale për njohjen reciproke në kufijtë ekzistues. Sot, Serbia vazhdon të armatoset nga Rusia me pajisjet me të reja ushtarake, ndërsa Qeveria Kurti premton heqjen e taksës duke siguru pushtimin ekonomik të Kosovës nga Serbia. I bëj thirrje publike Kurtit dhe partnerëve të tij qeverisës që mos të hiqet taksa pa njohje. Pushtetet nuk janë asgjë kur është në pyetje ruajtja dhe mbrojtja e sovranitetit të vendit. Tregu vetëm për njohje”, shprehet ish-kryeministri i Kosovës.
Kryeministri Albin Kurti ka bërë me dije se planifikon heqjen e taksës, por njëkohësisht edhe vendosjen e reciprocitetit të plotë me Serbinë.
