Më shumë se 50 mijë njerëzve që jetojnë në zonat e prekura në coronavirusi, kryesisht në Lombardi dhe Veneto, u është kërkuar që të qëndrojnë në shtëpi dhe të lëvizin sa më pak. Italia është vënë në alarm pasi numri i të infektuarve me coronavirus i ka kaluar 100, ndërsa dy persona vdiqën dje.
Vendi fqinj është kthyer në pikën kryesore të Evropës sa i përket virusit vdekjeprurës.
Kryeministri Italian, Giuseppe Conte njoftoi mbrëmjen e së shtunës një plan emergjent për t’u përballur me këtë situatë. Aty parashikohet edhe bllokimi i hyrjeve dhe daljeve në zonat e infektuara.
-Coronavirusi/ Conte refuzon pezullimin e Shengenit: Do shkatërronim ekonominë
Lombardia dhe Veneto konsiderohen si ‘zemra industriale’ e Italisë dhe dy rajonet së bashku realizojnë 30% të prodhimit të brendshëm bruto.
‘Shpërthimi’ i coronavirusit në Itali erdhi nga qyteti i vogël i Codogno-s, në juglindje të Milanos, ku i identifikua pacienti i parë, një 38 vjeçar i cili ndodhet tashmë në gjendje të qëndrueshme.
-Emrat/ Këto janë 11 komunat italiane që coronavirusi i ka kthyer në karantinë
“Të gjithë ata që janë infektuar kanë patur përgjatë datave 18-19 kontakte me dhomën e emergjencave dhe spitalin në Codogno”, ka deklaruar Giulio Gallera, drejtues i drejtorisë rajonale të shëndetit.
Banorëve të Codogno dhe 9 qytezave përreth u është kërkuar që të qëndrojnë në shtëpi dhe të shmangin lëvizjet.
-Alarmohet dhe Torino, shkon në 3 numri i të infektuarve nga coronavirusi
