Ndërkohë që Italia është vënë në alarm pasi numri i të infektuarve me coronavirus i ka kaluar 100, këto janë disa pamje që Fjala.al ka siguruar nga aeroporti i Milanos, ku duken qartë disa persona që mbajnë maskë në zonën e hundës dhe gojës.
https://youtu.be/BxQk55tviS0
Vendi fqinj është kthyer në pikën kryesore të Evropës sa i përket virusit vdekjeprurës.
Kryeministri Italian, Giuseppe Conte njoftoi mbrëmjen e së shtunës një plan emergjent për t’u përballur me këtë situatë. Aty parashikohet edhe bllokimi i hyrjeve dhe daljeve në zonat e infektuara.
Lombardia dhe Veneto konsiderohen si ‘zemra industriale’ e Italisë dhe dy rajonet së bashku realizojnë 30% të prodhimit të brendshëm bruto.
‘Shpërthimi’ i coronavirusit në Itali erdhi nga qyteti i vogël i Codogno-s, në juglindje të Milanos, ku i identifikua pacienti i parë, një 38 vjeçar i cili ndodhet tashmë në gjendje të qëndrueshme.
“Të gjithë ata që janë infektuar kanë patur përgjatë datave 18-19 kontakte me dhomën e emergjencave dhe spitalin në Codogno”, ka deklaruar Giulio Gallera, drejtues i drejtorisë rajonale të shëndetit.
Banorëve të Codogno dhe 9 qytezave përreth u është kërkuar që të qëndrojnë në shtëpi dhe të shmangin lëvizjet./Fjala.al
