-Shënohet viktima e 4-t nga coronavirusi në Itali
Italia e veriut është zgjuar këtë mëngjes me rrugë të boshatisura, me sheshe të bllokuara dhe çdo aktivitet kulturor e sportiv të anuluar. Numri i të infektuarve me coronvirus ka arritur në 152, ndërsa numri të vdekurve është tre.
Qarkullimi në rrugë është shumë i pakët për arsye se universitetet në Piemonte, Friuli Venezia Giulia dhe Genova janë mbyllur për një javë, ashtu siç janë mbyllur edhe shumë shkolla në këto rajone.
Biznese të shumta kanë mbyllur aktivitetet nga frika e përhapjes së mëtejshme të virusit vdekjeprurës.
Në Milano turistët nuk mund të vizitojnë pikën kryesore të qytetit, il Duomo, pasi sheshi do të qëndrojë i mbyllur. Ndërkohë në Venecia janë anuluar karnavalet për të paktën 7 ditë, si dhe janë mbyllur shumë zona për vizitorët.
Kryeministri italian, Giuseppe Conte kërkon nga qytetarët që të mos jetojnë me panik pasi masat e ashpra po ndërmerren pikërisht për të rritur sigurinë. Gjithsesi, këto masa rrjedhimit kanë krijuar te italianët një gjendje ankthi.
Lodigiano është një prej qytezave të Lombardisë që është prekur nga virusi dhe policia ka ngritur në pikat hyrëse dhe dalëse të qytetit disa postblloqe. Këto pamje po shqetësojnë gjithnjë e më shumë banorët.
20 milionë euro të tjera janë shpërndarë nga Qeveria për të përballuar masat e marra në veri të vendit.
