Napoli-Barcelona është dyshja tjetër përveç Chelsea-Bayern, që do të luajnë sonte për raundin e 16 të Champions League.
Në ndeshjen që fillon në ora 21:00 në ‘San Paolo’, do të luajnë këto dy skuadra mirëpo do të kenë disa mungesa në formacione. Ky takim pati një sërë aludimesh ditët e fundit për shkak të përhapjes së koronavirusit në veri të Italisë, megjithatë u vendos që sfida të luhej.
Trajneri italian Gennaro Gattuso për këtë ballafaqim do të jetë pa Kalidou Koulibalyn, Fernando Llorenten dhe Kevin Macuit, që janë të lënduar, ndërsa në dilemë është paraqitja e Elseid Hysajt dhe Arkadiusz Milik.
Ndërsa tekniku i Barçës , Quique Setien, nga ana tjetër nuk mund të llogarisë lojtarët si, Jordi Alaba, Ousmane Dembele, Sergi Roberto dhe Luis Saurez, që janë po ashtu të lënduar.
Formacioni i mundshëm i Napolit: Ospina; Di Lorenzo, Manolas, Maksimovic, Rui; Ruiz, Demme, Zielinski; Politano, Milik, Insigne.
Formacioni i mundshëm i Barcelonës: Ter Stegen; Semedo, Pique, Lenglet, Firpo; de Jong, Busquets, Rakitic; Messi, Griezmann, Fati./Fjala.al/
