Barcelona bëri publike disa ditë më parë blerjen e Martin Braithwaite nga Leganes për një shifër prej 18 milionë eurosh. Sulmuesi u bashkua me katalanasit jashtë afatit të merkatos, pasi La Liga pranoi kërkesën e Barçës, për shkak se u verifikua që Dembele nuk mund të luajë deri në përfundim të sezonit.
Ndërkohë të shumtë kanë qenë ata që kanë pyetur nëse danezi do luajë në këtë sezon të Chapions League dhe përgjigja është jo. Kjo për shkak se afati i fundit për përfshirjen e lojtarëve të ri në Champions ishte 1 shkurti.
Pas këtij afati nuk bëhet asnjë përjashtim, ndaj dhe danezi nuk mund t’i bashkohet Barçës në këtë sezon të Championsit./Fjala.al/
