Në Katalonia është konfirmuar lajmi se një person është prekur nga koronavirusi. Personi i infektuar është shtruar në spitalin “Clinic de Barcelona,” një qendër spitalore për sëmundjet ngjitëse.
Drejtori i spitalit ka konfirmuar në një konferencë për shtyp se personi i infektuar është një grua 36-vjeçare me kombësi italiane që banon në Barcelonë.
Gruaja udhëtoi nga 12-22 shkurt në zonën e Milanos dhe Bergamos dhe, pasi ndjeu simptoma të lehta sëmundjeje, kontaktoi spitalin dhe u testua.
“Ne kemi identifikuar tashmë të gjithë personat që gruaja ka kontaktuar” tha sekretari i Shëndetit Publik, i cili ka konfirmuar se rreth 25 persona janë në karantinë.
Burimi: lavanguardia
