Mblidhet të premten komisioni hetimor për Ilir Metën, thirret edhe Dvorani

113 563 lexime

124,178FansaPëlqeje

Komisioni Hetimor parlamentar i ngritur për përplasjen e Ilir Metës me mazhorancën dhe kreun e Këshillit të Emërimeve në Drejtësi, Ardian Dvorani, do të mblidhet ditën e premte.

Në këtë mbledhje është ftuar edhe kreu i Këshillit të Emërimeve në Drejtësi, Ardian Dvorani, të cilin kreu i shtetit Ilir Meta e ka akuzuar se është përdorur nga mazhoranca për të ‘rrëmbyer’ njërin prej anëtarëve të Gjykatës Kushtuese.

Dvorani është shprehur për mediat se ai do të jetë i pranishëm ditën e premte në komision për t’iu përgjigjur të gjitha pyetjeve.

U njoha me ftesën e parlamentit. Do të jem i pranishëm për t’iu përgjigjur interesit të publikut dhe të gjitha pyetjeve të deputetëve”, ka theksuar Dvorani.

Ndërkaq, më herët, kreu i shtetit Ilir Meta përmes një shkrimi të gjatë akuzonte sërish Dvoranin se ka marrë kompetenca që nuk i takojnë dhe se mazhoranca e përdori atë për të kapur edhe institucionin e fundit që ka mbetur, siç është Gjykata Kushtetuese.

Sa herë e ka paralajmëruar Presidenti, Kryetarin e KED i cili ka zero kompetencë në Kushtetutë që të respektojë radhën kushtetuese dhe ligjin e Gjykatës Kushtetuese për të evituar përplasjet e mundshme midis institucioneve të Presidentit dhe Kuvendit? Nuk numërohen.

Po reagimi i tij? Shkeli me të dyja këmbët edhe vendimin e vetë KED-së, e cila respektoi radhën e vakancave në mënyrë korrekte President, Kuvend, President, Kuvend. Po ky Dvorani që s’ka asnjë kompetencë tjetër veç të qenit korrier i vendimeve kolegjiale të KED, përse nuk i nisi të katër vendimet njëherazi edhe Presidentit edhe Kuvendit në një ditë siç vendosi KED?

Kush i tha këtij t’ia niste Presidentit të dy vakancat njëherazi dhe Kuvendit t’ia çonte me kokën e tij 6 ditë më vonë? Nëse sipas këtij, radha s’qenka e rëndësishme, edhe pse është detyrim kushtetues, lind pyetja e pafajshme e çdo fëmije: Përse xhaxhi Dvorani nuk ia nisi në fillim dy vakancat Kuvendit e pas 6 ditësh t’ia çonte Presidentit?

Se ke dëgjuar ti xhaxhi Dvorani, xhaxhi Gramozin dhe xhaxhi Ulsiun që thonë çdo ditë që Parlamenti është i pari se jemi Republikë Parlamentare, e jo Presidenciale?”, shtron pyetjet presidenti Ilir Meta.

Lexo edhe :  Apeli i Posaçëm rrëzon kërkesën e Erion Veliajt, celulari mbetet nën sekuestro

Tashmë pritet nëse edhe komisioni hetimor parlamentar do t’ia shtrojë ditën e premte këto pyetje kreut të KED-s Ardian Dvorani.

Të fundit

Nga miqësitë e mëdha tek telefonata me ish-banoren, Arbër Hajdari flet pas BBV

Opinionisi i BBV Abër Hajdari ka dhënë së fundmi një intervistë teksa ka treguar të gjitha përshtypjet për edicionin...

15 mijë euro ryshfet për banesat sociale në Durrës, zbardhet skema

Gjykata e Posaçme kundër Korrupsionit dhe Krimit të Organizuar ka shpallur fajtorë dhe ka dënuar 8 persona të përfshirë në një skemë korrupsioni për...

Basha: Sakrifica e demokratëve s’mund të përdoret për të nxjerrë Metën nga burgu

Drejtuesi Politik i Koalicionit Euroatlantik, Lulzim Basha, ka zhvilluar një bashkëbisedim live në Facebook me ndjekësit e tij, ku ka dhënë përgjigje për pyetjet...

Kryeministri kanadez: Meritojmë respekt nga SHBA, me Trump do të hymë në…

Kryeministri kanadez Mark Carney tha se vendi i tij meriton respekt nga SHBA-të dhe do të hyjë në bisedime tregtare dhe sigurie me Presidentin...

“S’po del më në derë, por anash”, si Suel Çela rekrutoi snajperistin Prekë Kodra

Por komunikimet në Sky ECC kanë zbuluar pikërisht atë që është përballja më e ashpër midis dy prej klaneve më të rrezikshme që kanë...

Lajme të tjera

Web TV