Ish kryeministri Sali Berisha ka ngritur akuza ndaj kryeministrit Edi Rama dhe ministers së Shëndtësisë Ogerta Manastirli, të cilët sipas Bersihës, po bëjnë çmos të fusin koronavirusin në Shqipëri. Sipas Berishës, në vend që ata të ndjekin praktikën e qendrimit të shpallur nga qeveria italiane për banorët e këtyre zonave dhe tju bëjnë thirrje atyre shqiptare apo italiane qofshin ata, që të mos vijnë dhe të mos lejojë që ata të hynë në Shqipëri, deklarojnë pa asnjë pikë përgjegjësie se nuk do kufizojmë lëvizjet me Italinë.
Statusi i plotë
Edvini Hajduti dhe ndrikulla Hajnia me qëndrimet e tyre po bëjnë çmos të fusin koronavirusun në Shqipëri!
Miq, Italia ka në një zone të kufizuar të saj të përhapur infeksionin e coronavirusit. Qeveria Italiane shpalli dje masa rigoroze ndër të cilat kufizimin edhe të detyruar të lëvizjes, daljes se qytetarëve të vetë nga zonat e infektuara për të shmangur përhapjen e koronavirusit në zona tjera të Italisë. Madje kryeministri Conte nuk u mjaftua me thirrjen drejtuar qytetarëve të këtyre zonave por autorizoi policinë dhe u shpreh se në rast nevoje mund të përdori edhe ushtrinë për zbatimin e këtij rregulli.
Kurse Edvin Fatkëqesia dhe ndrikull Hajnia në vend që të ndjekin praktikën e qëndrimit të shpallur nga qeveria italiane për banorët e këtyre zonave dhe t’ju bëjnë thirrje atyre shqiptare apo italiane qofshin ata, që të mos vijnë dhe të mos lejojë që ata të hynë në Shqipëri, deklarojnë pa asnjë pikë përgjegjësie se nuk do kufizojmë levizjet me Italinë.
Sigurisht lëvizjet me Italinë në tërësi nuk duhen ndërprere por të mos kufizosh lëvizjet me zonën e infektuar të Italisë siç beri dje qeveria italiane, do të thotë se për qëllime politike kriminale je i interesuar të sjellësh sa më parë koronavirusin në Shqipëri.
Dënoj me ashpërsinë më të madhe këtë qëllim kriminal të Edvin Hajdutit dhe ndrikull Hajnisë, të cilët refuzojnë me ndërgjegje të kufizojne dhe mos lejojnë hyrjen në Shqipëri të banoreve nga zonat e infektuara. sb
