Ish-presidenti i Egjiptit, Hosni Mubarak ka ndërruar jetë në moshën 91 vjeçare. Mediat egjiptiane konfirmojnë lajmin për ndarjen nga jeta të Mubarak. Për gati 30 vite, Hosni Mubarak ishte në krye të Egjiptit deri kur u rrëzua nga protestat e Pranverës Arabe në vitin 2011.
Pas rrëzimit nga pushteti, ish-presidenti u përball me disa procese gjyqësore ku fillimisht u dënua me burgim të përjetshëm për vrasjen e protestuesve. Më pas dënimi iu kthye me vite burg dhe gjatë qëndrimit në qeli vuajti disa herë nga problemet shëndetësore.
Nga viti 1972 deri më 1975, Hosni Mubarak shërbeu si komandat i Forcave Ajrore, për t’ju futur më pas politikës. Në vitin 1975 emërohet zëvendëspresident i Egjiptit, detyrë që e mbajti deri në tetor të 1981. Në tetor të këtij viti ai emërohet në postin e Presidentit duke qëndruar në detyrë deri më 11 shkurt të 2011-ës.
