Banorët e goditur nga përmbytja u nxitën sot nga policia të evakuonin shtëpitë e tyre ‘menjëherë’ pasi barrierat e përkohshme priteshin të mos rezistonin në një qytet historik në Shropshire.
Oficerët u thanë njerëzve në Ironbridge të linin pronat dhe bizneset e tyre sa më shpejt të jetë e mundur pasi pritej që lumi Severn të shkaktonte përmbytje.
Uji shkatërroi barrierat për herë të parë në dekada dhe përmbyti një zonë afër shtëpive dhe bizneseve afër bregut të lumit. Mijëra prona në të gjithë Britaninë janë evakuuar që nga stuhia e 15 shkurtit.
Ndërkohë zemërimi i njerzve ndaj qeverisë është rritur pasi sipastyre kjo e fundit nuk ka reaguar si duhet kundrejt situatës emergjente në të cilën vendi ndodhet.
Në Bewdley, zjarrfikësit janë grumbulluar në qytet për të evakuuar banorët, për të ndihmuar të prekurit dhe të moshuarit.
Në rastin e evakuimit të Ironbridge, një zëdhënës i Policisë Ëest Mercia ka thënë sot: ‘Tani jemi duke kryer një evakuim të menjëhershëm në Ironbridge për shkak të barrierave që spo rezistojnë më”./Fjala.al/Burimi:DailyMail
