Iraj Harirchi, zëvendësministër i Shëndetësisë, është një prej 95 personave në Iran që ka rezultuar i infektuar me coronavirus. Ai pranoi dje se është infektuar me virusin që është përhapur në të gjithë botën.
Mediat ndërkombëtare kanë rikthyer konferencën që Harirchi dha të hënën, një ditë përpara se të diagnostikohej me virusin. Pamjet tregojnë Harirchin të lodhur dhe të mbuluar nga djersët. Ai ishte në krah të zëdhënësit të qeverisë iraniane, Ali Rabei.
Të paktën 15 persona kanë ndërruar jetë në Iran si pasojë e coronavirusit, ndërsa mbi 95 të tjerë rezultojnë të infektuar.
