Nga Moska, i pyetur nëse ka ndikim Rus në Shqipëri, kryeministri Rama tha se nuk e përjashton një gjë të tillë.
Ai u shpreh se gjithsesi, sipas tij, shqiptarët, historikisht i kanë bërë punët e forcave jo-miqësore, më mirë nga çdo t’i bënin ata po të ishin vetë.
“Në Shqipëri i kemi mjaftueshëm ata që janë shqiptarë dhe që bëjnë si do donte Rusia, pasi nuk nevojë që të thotë ky shtet. Ata s’janë rusofil. S’po them se Rusia ka një axhendë siç bën në vendet e tjera, pasi në Shqipëri kemi nga ata që ‘Për inat të vjehrrës flenë me mullixhiun’. Nëse e trajtojnë si vjehërr Shqipërinë për shkak të qeverisë, vetvetiu bëjmë punën e mullixhiut. Kemi njerëz në media, në politikë.
Unë nuk e përjashtoj, por në Shqipëri historikisht ne kemi bërë punët e forcave jomiqësore ndaj nesh më mirë se sa do t’i bënin forcat jomiqësore po të ishin vetë, që nga inati i vjehrrës janë palluar me mullixhiun dhe pa e pas mullixhiu fare në axhendë këtë punë.”, tha Rama në “Real Story”.
