Deportohen nga Spanja 26 shqiptarë që kishin shkelur rregullat e qëndrimit në hapësirën ‘Schengen’ apo që kishin kërkuar azil në këtë shtet.
Njëri prej personave të deportuar kishte dhënë indetitet të rremë në shtetin spanjoll, gjatë intervistimit dhe verfikimit të detajuar, në bashkëpunim edhe me Interpol Tiranën, Policia Kufitare e Rinasit vuri në pranga personin e dyshuar që i kishte dhënë policisë spanjolle indetitet të rreme.
Bëhet fjalë për një 50-vjeçar me inicialet K.J, lindur në Mifol të Vlorës.
Për arsye se ishte person në kërkim ndërkombëtar, i shpallur nga Interpol Roma, i dyshuar për veprat penale “Trafikim i narkotikëve” dhe “Grup i strukturuar kriminal”, 50-vjeçari i kishte dhënë policisë spanjolle gjeneralitete të rreme.
Në përfundim të procedurave të verifikimit, Policia Kufitare e Rinasit, në bashkëpunim me Interpol Tiranën bëri arrestimin e 50-vjeçarit, me qëllim ekstradimi dhe Interpol Tirana vijon procedurat për ekstradimi e tij drejt Italisë.
