Kur bëhet fjalë për pamjen të gjithë duam të dukemi elegantë dhe të bukur. Kjo nuk lidhet vetëm me personazhet publik të cilët njihen nga të gjithë, por me çdo individ i cili është në sfidë me veten dhe mbipeshën.
Mënyrat për tu dobësuar janë nga më të shumtat duke filluar nga dietat, palestra, aktiviteti fizik dhe ndërhyrjet me ngushtimin e stomakut. Ne do tu rikujtojmë disa personazhe mjaftë të njohur për publikun shqiptarë të cilët kanë humbur peshë në mënyrë drastike dhe si ja kanë dalë./Fjala.al
Ilir Meta-Presidenti i vendit, Ilir Meta, humbi plot 30 kilogramë duke u transformuar tërësisht. Bashkëshortja e tij Monika tregoi se Iliri për mëngjese hante vetëm vezë të ziera dhe zarzavate, ndërsa nga buka kishte hequr dorë përgjithmonë. Gjithashtu ka ushtruar çdo ditë, vrap, ecje si dhe një orë biçikletë.
Monika Kryemadhi: Monika Kryemadhi e nisi menjëherë dietën pasi bashkëshorti i saj Ilir Meta u dobësua. Monika me shaka është shprehur në emisionin “Thumb” tha se ishte dobësuar për inat të Ilirit. Me ndihmën e një mikeshe të saj dietologe, Monika filloi një dietë, duke hequr dorë totalisht nga brumërat.
Anxhela Peristeri: këngëtarja Anxhela Peristeri ka vendosur që të bie në peshë. Ajo nëpërmjet postimeve të ndryshme në Instagram, por edhe në dalje të ndryshme ka treguar se ka filluar të frekuentojë palestrën rregullisht dhe ka humbur më shumë se 12 kilogramë. E ftuar në emisionin ‘Rudina’ disa kohë më parë ajo ka rrëfyer se kur bën palestër ndihet më e lumtur dhe energjike
Erik Fullani Dikur: Djali i ish-guvernatorit të Bankës së Shqipërisë, Adrian Fullani, Erik ka peshuar plot 178 kilogramë. Eriku brenda një periudhe disa mujore arriti që të humbiste 88 kilogramë dhe të transformohej tërësisht. i ftuar në intervista të ndryshme, Eriku tregoi se e arriti peshën 90 kilogramë nëpërmjet një diete.
Arian Çani:Në një intervistë për ‘Express’ Arian Çani rrëfeu publikisht se për të arritur peshën ideale nuk ndoqi asnjë dietë të rreptë. E vetmja gjë që ka bërë Çani është që vendosi të heqë dorë prej ushqimit të tepruar dhe ëmbëlsirave gjatë ditës dhe i’u rikthye vrapit e sportit. Gjithashtu ai eliminoi edhe alkoolin dhe ushqimin në orët e vona.
